Title — BE
Adaptive Breathing — міжнародны конкурс медыямастацтва | Польшча

Content — BE

Для каго:
Прафесійныя мастакі(-чкі) і практыкі(-кі), якія працуюць у сферы медыямастацтва і дасягнулі 24 гадоў не пазней за 4 траўня 2026 года.

Падавацца можна індывідуальна або з калектыўным праектам. Дыпломныя працы выпускнікоў(-ц) акадэмій мастацтваў не прымаюцца.

Фармат:
International New Media Art Competition: Adaptive Breathing — міжнародны конкурс медыямастацтва ў межах праграмы New Media Week у Катавіцах.

Тэма конкурсу — Adaptive Breathing / Адаптыўнае дыханне. Яна не задае вузкай тэматычнай рамкі, а прапануе мастакам(-чкам) даследаваць уласныя мастацкія мовы, стратэгіі і ўяўленні са свабодай выбару падыходаў і сродкаў.

Конкурс створаны як прафесійная пляцоўка для прадстаўлення інавацыйных форм сучаснага медыямастацтва, падтрымкі мастацкай вытворчасці і сустрэчы аўдыторыі з праектамі на скрыжаванні візуальнага мастацтва і тэхналогій.

Што можна падаваць:
Аўтарскія мастацкія або мастацка-даследчыя праекты ў сферы медыямастацтва, створаныя або ўпершыню публічна прадстаўленыя ў перыяд з 1 студзеня 2023 да 4 траўня 2026 года.

Прымаюцца праекты ў пяці напрамках:

Інсталяцыі, сістэмы і асяроддзі
– прасторавыя і імерсіўныя працы;
– рэактыўныя сістэмы;
– інсталяцыі на аснове датчыкаў;
– генератыўныя візуальныя асяроддзі;
– працы, створаныя для канкрэтнага месца.

Рухомая выява і візуальныя наратывы
– відэамастацтва;
– 2D- і 3D-анімацыя;
– дызайн рухомай графікі;
– эксперыментальнае кіно;
– самастойныя мастацкія праекцыі.

Медыяперформанс і жывыя дзеянні
– жывое кадаванне;
– сцэнічныя перформансы з выкарыстаннем тэхналогій;
– гібрыдныя аўдыявізуальныя дзеянні з акцэнтам на візуальны складнік.

Тэхналагічныя аб’екты і медыяскульптуры
– кінетычныя медыя;
– робататэхніка;
– электроніка;
– працы са святлом;
– мехатроніка.

Даследчыя праекты і прататыпы інструментаў
– тэхналагічныя эксперыменты;
– інтэрфейсы;
– апаратныя і праграмныя прататыпы;
– інструменты, якія ствараюць новыя фарматы творчай працы.

Адказнасць за пададзены праект цалкам нясе ўдзельнік(-ца).

Калі і дзе:
Фінальная выстава: 30 верасня — 11 кастрычніка 2026
Цырымонія ўзнагароджання: 2 кастрычніка 2026
Silesian Museum / Muzeum Śląskie, Катавіцы, Польшча.

Мантаж выставы будзе праходзіць 21–29 верасня 2026 года. Дэмантаж — не раней за 12 кастрычніка 2026 года.

Прапануецца:
– удзел у міжнародным конкурсе медыямастацтва;
– магчымасць трапіць у фінальную выставу ў Катавіцах;
– вытворчая і тэхнічная падтрымка для прадстаўлення адабраных прац;
– пакрыццё дарогі і пражывання фіналістаў(-ак), адабраных для выставы, на ўмовах, індывідуальна ўзгодненых з арганізатарамі;
– магчымасць прадставіць працу міжнароднаму журы і аўдыторыі New Media Week;
– грашовыя ўзнагароды.

Узнагароды:
– I месца — 10 000 EUR;
– II месца — 7 000 EUR;
– III месца — 5 000 EUR;
– Прыз глядацкіх сімпатый — 5 000 EUR.

Прыз глядацкіх сімпатый будзе вызначаны паводле анкет наведвальнікаў(-ніц) выставы і ўручаны падчас закрыцця выставы 11 кастрычніка 2026 года.

Далей конкурс пройдзе ў два этапы:

I этап — адбор фіналістаў(-ак)
Міжнароднае журы ацэніць праекты і выбера працы для конкурснай выставы. Спіс фіналістаў(-ак) будзе абвешчаны 22 ліпеня 2026 года.

II этап — выбар пераможцаў(-ц)
Журы ацэніць працы, прадстаўленыя на фінальнай выставе, і вызначыць пераможцаў(-ц). Цырымонія ўзнагароджання адбудзецца 2 кастрычніка 2026 года.

Дэдлайн:
30 чэрвеня 2026

Арганізатар:
Soundscape Foundation

Праграма:
New Media Week

Кантакт:
[matylda@fundacjasoundscape.pl](mailto:matylda@fundacjasoundscape.pl)
+48 732 070 775

Падача:
праз анлайн-форму на сайце New Media Week.

https://newmediaweek.com/open-call/